Verhaolke van Bèr

De letste kier

Zeej zote weer ens op de bank same. Doeëdmeug , nao ein of ander flutprogramma te kieke op de televisie. De kinder loge net in bed. Hae probeerde nog ’n bietje te fiemele , maar aan zien aafwiezing  dach hae al,  det wuurd weer niks vanaovend , zoëas hiel vuuel aovende  van te veure! Hae kreeg veur ’t slaope nog ’n lauwe kösmoel  en toen dreide Marietje zich um en ging slaope.

Det ging waeke zoë door, wies Pietje ‘’ n schitterend idee kreeg  ( det dach hae)  . Scheije waas gen optie , want hae heeld van Marietje en zien twieë blage , maar ens ‘nne kier ’n  slipperke make , det kós gen kwaod dach Pietje, det hoofde nemus te weite!

Hae kaek de contak advertenties door en jao wal dao stónd ‘t : “Blond meisje , Laura , goed figuur  , heb je zin om een spannend uurtje te beleven met mij ?   Bel : 021-1234566 en maak een afspraak!

Pietje had ’t zweit in zien hand staon, maar hae belde toch. En op de aovend det hae normaal ging fitnisse , had hae met um aafgespraoke.  Wies hae in ’t hotelke “de Haof van Eden “, aan de achteringang aanbelde, dae ‘nne  kammezäöl   van ‘nne kerel de deur aope.